Yeh Barish Ka Barasna Kaisa

Dekhnay Main Tu Koi Dard Nahin
Hijar Mousam Main Yeh Barish Ka Barasna Kaisa
Aik Sehra Say Samandar Ka Guzarna Kaisa

Aaye Merey Dil Na Pareshan Ho Tanha Ho Kar
Woh Terey Saath Chala Kab Tha Bicharna Kaisa
 
Log Kehtay Hain Gulshan Ki Tabahi Dekho
Main Tu Veraan Sa Jungle Tha Ujarna Kaisa

Dekhnay Main Tu Koi Dard Nahin Dukh Bhi Nahin
Phir Yeh Aankhon Main Yohn Aashqoon Ka Ubharna Kaisa

Bewafa Kehnay Ki Jurrat Bhi Na Karna Us Ko
Us Nay Iqraar Kia Kab Tha Mukarna Kaisa