Zakhm-E-Tanhaaii

Zakhm-E-Tanhaaii Me Khushbuu-E-Hinaa Kis Ki Thi
Saayaa Diivaar Pe Meraa Thaa Sadaa Kis Ki Thi
 
Uskii Raftaar Se Lipatii Rahii Merii Aankhen
Us Ne Mur Kar Bhii Na Dekhaa Ki Vafaa Kis Ki Thi

Vaqt Kii Tarah Dabe Paon Ye Kaun Aayaa Hai
Main Andheraa Jise Samajhaa Vo Qabaa Kis Ki Thi
 
Aansuon Se Hii Sahii Bhar Gayaa Daaman Meraa
Haath To Main Ne Uthaaye The Duaa Kis Kii Thi

Merii Aahon Kii Zabaan Koii Samajhataa Kaise
Zindagii Itanii Dukhii Mere Sivaa Kis Ki Thi

Aag Se Dostii Us Kii Thii Jalaa Ghar Meraa
Dii Gaii Kis Ko Sazaa Aur Khataa Kis Ki Thi