Zikr-E-Shab-E-Faraq Se Wehshat

Zikr-E-Shab-E-Faraq Se Wehshat Ussy Bhi Thi
Meri Tarah Kisi Se Muhabbat Ussy Bhi Thi

Uss Raat Dair Tak Woh Raha Mehv-E-Guftgu
Masroof Main Bhi Kam Tha Faraghat Ussy Bhi Thi

Mujh Se Bichar K Shehr Mein Ghul Mil Gaya Woh Shakhs
Hal-Ankeh Shehr Bhar Se Adavat Ussy Bhi Thi

Woh Mujh Se Barh K Zabt Ka Aadi Tha Ji Gaya
Warna Her Aik Saans Qeyamat Ussy Bhi Thi

Sunta Tha Woh Bhi Sab Se Purani Kahaniyan
Shayad Rifaqaton Ki Zururat Ussy Bhi Thi

Tanha Hova Safar Mein To Mujh Per Khula Yeh Bhaid
Saey Se Piyar Dhoop Se Nafrat Ussy Bhi Thi