آج ُان کو بھلا کے دیکھیں گے

آج ُان کو بھلا کے دیکھیں گے
ھم بہت دور جا کے دیکھیں گے

جائیے ہم نے پھیر لیں نظریں
آپ کیا مسکرا کے دیکھیں گے

عشق میں وہ ادا دکھائیں گے
قیس و فرہاد آ کے دیکھیں گے

آپ فرعون بن گئے ہم بھی
خود کو موسیٰ بنا کے دیکھیں گے

لوگ میری خودی کو نہ جانچیں
ورنہ تیور خدا کے دیکھیں گے

عکس در عکس کا حسیں منظر
ان سے نظریں ملا کے دیکھیں گے

دوستی روز نئے لوگوں سے
رنگ سارے ریا کے دیکھیں گے

عین مقتل بنائیں گے مسکن
اور جلوے قضا کے دیکھیں گے