اب کے تجدیدِ وفا کا نہیں امکاں جاناں

اب کے تجدیدِ وفا کا نہیں امکاں جاناں
یاد کیا تجھ کو دلائیں تیرا پیماں جاناں

یونہی موسم کی ادا دیکھ کے یاد آیا
کس قدر جلد بدل جاتے ہیں انساں جاناں

دل یہ کہتا ہے کہ شاید ہو افسردہ وہ بھی
دل کی کیا بات کریں، دل تو ہے ناداں جاناں

جس کو دیکھو وہی زنجیر با پا لگتا ہے
شہر کا شہر ہوا داخلِ زنداں جاناں

اب تیرا ذکر بھی شاید ہی غزل میں آئے
اور سے اور ہوا درد کا عنواں جاناں