ابھی جو لوٹ کر پھر تم

ابھی جو لوٹ کر پھر تم
ہمارے در پر آئے ہو
یہ تم سے کہہ دیا کس نے؟
کہ تم بن رہ نہیں سکتے
یہ دکھ ہم سہہ نہیں سکتے
کہا تم سے یہ کس نے؟
کہ ہم تم بن بہت روئے
کہ راتوں کو نا سوئے

سنو۔۔۔

اک بات میری غور سے جاناں
اگر بیتے لمحوں کو
واپس تم نے لانا ہے
مجھے افسوس ہے جاناں
کہ تم مایوس لوٹو گے

اگر تم جاننا چاہو
کہ ایسا کیوں کیا ہم نے
تو سن لو غور سے جاناں
پرانی عہدءرفتہ کی
ہر روایت توڑ دی ہم نے

محبت چھوڑ دی ہم نے۔۔۔۔