اتھرو بن کے ڈُھل جاواں گے

اتھرو بن کے ڈُھل جاواں گے
گلیاں دے وچ رُل جاواں گے

تو جے ساتھوں دور گیا تے
بھلدے بھلدے بھلُ جاواں گے

ویلے دی دُھپ سہندے سہندے
برفاں وانگوں گھُلُ جاواں گے

اوکھے ویلے تیرے اتے
پکھی وانگوں جھل جاواں گے

جے انج ہوکے بھردے رہے تے
اک دن سب تے کھل جاواں گے

سانوں خبر نئیں سی ایہدی
ککھاں دے نال تلُ جاواں گے

جگ نوں سوہنے سخناں والے
دے کے سجرے پھل جاواں گے

اوہدے ہر احسان دا عذراؔ
دے کے اک دن مل جاواں گے