اجنبی سے لگتے ھو

یہ کیسی آشنائی ھے کہ
اجنبی سے لگتے ھو
زندگی کے ساتھی ھو پر
اجنبی سے لگتے ھو

مانگ میں ستاروں جیسے
جگمگاتے رہتے ھو
ماتھے کا جھومر ھو پر
اجنبی سے لگتے ھو

گجرؤں کی مہکار اور
چوڑیوں کی چھن چھن ھو
آنکھ کا تل ھو ظالم پر
اجنبی سے لگتے ھو

خوشبؤ کیطرح تم
سانسوں میں رہتے ھو
انگلی میں نگینہ ھو پر
اجنبی سے لگتے ھو

محبتوں کے سائے میں
ساتھ ساتھ چلتے ھو
میری جاں کے قاتل ھو پر
اجنبی سے لگتے ھو ۔۔۔۔۔۔