احساس ہو تو لوٹ آنا!!!

انجان رستوں پہ چل رہے ہو تھک چکو تو لوٹ آنا
یہ بے وفائی جو کر رہے ہو احساس ہو تو لوٹ آنا

محبتوں کو، وفاؤں کو اچھا نہیں ہے آزمانا اتنا
کسی دل کو جو ستانا چاہو ستا چکو تو لوٹ آنا

جب تمہیں بھی یاد آۓ اور بے بسی سے رو پڑو تم
کسی کے کندھے پہ سر رکھ کے رونا چاہو تو لوٹ آنا

محبتوں میں فصیل کیسی عشق میں اناء ہے کیا
خاموش نگاہوں کی التجاء کو سمجھ سکو تو لوٹ آنا

زندگی کے اس سفر میں، بہار رت کی چاہتوں میں
اداس رت میں ویران رستوں پہ بکھرنے لگو تو لوٹ آنا

اپنے جب سیراب ٹھہریں، درد جب عذاب ٹھہریں
بے بسی سے کبھی جو تم بھی دعائیں مانگو تو لوٹ آنا

کوئی دل ء ویران عنبر منتظر ہے اسی جگہ پر
بچھڑتے وقت کی آواز کو جو تم سنو تو لوٹ آنا