اس شہرِ خرابی میں غمِ عشق کے مارے

PoetHabib Jalib Submitted byNajeeb Ur Rehman
Text size

اس شہرِ خرابی میں غمِ عشق کے مارے
زندہ ہیں یہی بات بڑی بات ہے پیارے

یہ ہنستا ہوا چاند، یہ پُرنُور ستارے
تابندہ و پائندہ ہیں ذروں کے سہارے

حسرت ہے کوئی غنچہ ہمیں پیار سے دیکھے
ارماں ہے، کوئی پُھول ہمیں دل سے پُکارے

ہر صبح، میری صبح پہ روتی رہی شبنم
ہر رات، میری رات پہ ہنستے رہے تارے

کچھ اور بھی ہیں کام ہمیں اےغمِ جاناں
کب تک کوئی اُلجھی ہوئی زُلفوں کو سنوارے

Related tags on Parveen Shakir poetry

Copied