اس کے شوخ لبوں کی لالی ڈس لے گی
Poet: یحیٰ خان یوسف زئی By: Tooba, Islamabadاس کے شوخ لبوں کی لالی ڈس لے گی
ناگن جیسی آنکھوں والی ڈس لے گی
اس کے زہر نگاہ میں کوئی مستی ہے
لگتا ہے وہ چشم غزالی ڈس لے گی
شہزادی کا جسم خزانے جیسا ہے
پہرے داروں کو رکھوالی ڈس لے گی
دن بھر تو آفس میں بک بک کرتا ہوں
شام کو پھر تنہائی سالی ڈس لے گی
کون کسی کا بوجھ یہاں پر سہتا ہے
آخر پھولوں کو بھی ڈالی ڈس لے گی
Rate it: 
Views: 309
17 Aug, 2021
More Sad Poetry
