المیہ

تھے کیا کیا نہ خوابوں کے موتی سنبھالے
کہ تعبیر کا کوئی دھاگہ ملا
تو پروئیں گے مالا
پہن لیں گے اور
شاد و فرحاں پھریں گے
 ہوا کی طرح رقص کرتے ہوئے
جھومتے، گیت گاتےہوئے
اپنی ہستی کی مستی کی لہروں میں
ہم زندگی اب کریں گے

مگر سب تھا بیکار
کچھ بھی نہیں تھا
نہ خوبوں کے موتی، نہ دھاگہ نہ مالا
بچا کچھ نہیں ہے
گزرتا ہوا وقت
گرتے ہوئے دانہ دانہ یہ لمحے
پروئی گئی کوئی مالا نہ ہم سے
کہ تسبیحِ ایام کرتے
گزرتے ہوئے روز و شب کوئی ہی گنتے
کوئی زندگی کی علامت تو ہو
کس طرح سے جئیں