اُلفت کے تقاضوں کوتم سمجھے نہ ہم
Poet: Ibn.e.Raza By: Ibn.e.Raza, Islamabadاُلفت کے تقاضوں کو تم سمجھے نہ ہم
قسمت کے ارادوں کو تم سمجھے نہ ہم
اے کاش کبھی دل کو تیری خبر ہوتی
نہ خونِ جگر ہوتا نہ آنکھ میری روتی
دنیا کی اداوں کو ،اپنوں کی وفاوں کو
ٹوٹے ہوئے وعدوں کو تم سمجھے نہ ہم
اُلفت کے تقاضوں کو تم سمجھے نہ ہم
قسمت کے ارادوں کو تم سمجھے نہ ہم
یہاں اپنا نہیں کوئی ، غم کے سوا شائد
اور آنکھ نہیں کوئی، نم کےسوا شائد
نا کردہ خطاوں کو،بے جُرم سزاوں کو
چاہت کے تماشوں کو تم سمجھے نہ ہم
اُلفت کے تقاضوں کو تم سمجھے نہ ہم
قسمت کے ارادوں کو تم سمجھے نہ ہم
درد کے رشتے نے منسلک تو کیا تم سے
دلِ ویراں کو میرے جوڑ دیا تم سے
اجنبی خوابوں کو ، عجب تعبیروں کو
ہاتھوں کی لکیروں کو تم سمجھے نہ ہم
اُلفت کے تقاضوں کوتم سمجھے نہ ہم
قسمت کے ارادوں کو تم سمجھے نہ ہم
Rate it: 
Views: 538
08 Jul, 2013
More Sad Poetry
