اٹھائے پھرتا کہاں تک ترے نشیلے ہاتھ
Poet: rafiq sandeelvi By: rashid sandeelvi, islamabadاٹھائے پھرتا کہاں تک ترے نشیلے ہاتھ
خود اپنے جسم پہ تھے بوجھ میرے ڈھیلے ہاتھ
عجب نہیں کہ یہ رسم حنا بھی اٹھ جائے
حنوط کر کے رکھو دلہنوں کے پیلے ہاتھ
سدا محیط رہیں بستیوں پہ خشک رتیں
کسی بھی سر پہ نہ رکھے ہوا نے گیلے ہاتھ
گرا زمین پہ پرچم تو علم تک نہ ہوا
محاذ جنگ پہ گنتے رہے قبیلے ہاتھ
افق پہ آج کوئی چودویں کا چاند نہیں
بلا رہے ہیں کسے پانیوں کے نیلے ہاتھ
Rate it: 
Views: 463
28 Sep, 2011
More Sad Poetry
جو سرائے فنا میں رہتے ہیں جو سرائے فنا میں رہتے ہیں
رنج و غم گاہے گاہے سہتے ہیں ..
رنج و غم گاہے گاہے سہتے ہیں ..
Murtaza Zaman Gardezi
