یاد آنا وہ زمانہ اچھا لگا مجھے
بچپن کا وہ فسانہ اچھا لگا مجھے
وہ ان کا روٹھ جانا اچھا لگا مجھے
اور میرا انہیں منانا اچھا لگا مجھے
وہ میرا گیت گانا اچھا لگا مجھے
اور ان کا مسکرانا اچھا لگا مجھے
ہاں میری حماقت پہ وہ ان کی نصیحت
پھر مجھ کو یاد آنا اچھا لگا مجھے
وہ بے ارادہ ان کا پلکوں کو اٹھانا
میرا نظر جھکانا اچھا لگا مجھے
بیتے ہوئے لمحوں کا میری نگاہوں کو
یوں پھر سے نظر آنا اچھا لگا مجھے
صدیوں کی مسافت کا رنج و ملال عظمٰی
اک پل میں بھول جانا اچھا لگا مجھے