اے میرے پیارے وطن

اے میرے پیارے وطن پاک وطن
پاک وطن اے میرے پیارے وطن

تجھ سے ہے میری تمناؤں کی دنیا پر نور
عزم میرا قوی میرے ارادے ہیں غیور

میری ہستی میں انا ہے میری مستی میں شعور
جانگزا میرا تخیل ہے تو شیریں ہے سخن

اے میرے پیارے وطن

تو دل افروز پہاروں کا تر و تازہ چمن
تو مہکتے ہوئے پھولوں کا سہانا گلشن

تو نواریز عنادل کا بہاری مسکن
رنگ و آہنگ سے معمور تیرے کوہ و دمن

اے میرے پیارے وطن

میرا دل تیری محبت کا ہے جاں بخش دیار
میرا سینہ تیری حرمت کا ہے سنگین حصار

میرے محبوب وطن تجھ پہ اگر جاں ہو نثار
میں یہ سمجھوں گا ٹھکانے لگا سرمایہ تن

اے میرے پیارے وطن پاک وطن
پاک وطن اے میرے پیارے وطن