بیٹھے بیٹھے کوئی خیال آیا
Poet: Rahat Indori By: sonam, khi
بیٹھے بیٹھے کوئی خیال آیا
زندہ رہنے کا پھر سوال آیا
کون دریاؤں کا حساب رکھے
نیکیاں نیکیوں میں ڈال آیا
زندگی کس طرح گزارتے ہیں
زندگی بھر نہ یہ کمال آیا
جھوٹ بولا ہے کوئی آئینہ
ورنہ پتھر میں کیسے بال آیا
وہ جو دو گز زمیں تھی میرے نام
آسماں کی طرف اچھال آیا
کیوں یہ سیلاب سا ہے آنکھوں میں
مسکرائے تھے ہم خیال آیا
Rate it: 
Views: 3939
07 Mar, 2019
More Rahat Indori Poetry
