تجھ کو آتی ہے دلاسے کی نہیں بات کوئی
Poet: رنگیں سعادت یار خاں By: Anila, Karachiتجھ کو آتی ہے دلاسے کی نہیں بات کوئی
کس طرح تجھ سے رکھے جان ملاقات کوئی
لگ چلے تجھ سے وہ کھانی ہو جسے لات کوئی
ہاتھ کس طرح لگا دے تجھے ہیہات کوئی
ڈر سے میں چپ ہوں ترے ورنہ بھری مجلس میں
بات کرتا ہے کوئی تجھ سے اشارات کوئی
مل گئے راہ میں کل وہ تو کہا رنگیںؔ نے
کس طرح تم سے کرے اب بسر اوقات کوئی
کچھ تو انصاف بھلا کیجئے دل میں اپنے
تم نے مانی بھی کبھی میری اجی بات کوئی
More Sad Poetry






