تنہائی کے لمحوں کوبھی محفل بنایا ہے

تنہائی کے لمحوں کوبھی محفل بنایا ہے
اداسی دور کرنے کا ٹھکانہ خوب پایا ہے

اکیلے بیٹھنا اپنی بڑی انمول عادت ہے
اکیلے بیٹھنا ہم کو بہت ہی راس آیا ہے

سکوت وقت کے لمحات کیونکر جاری ہوتے ہیں
یہ تنہائی کی سرگوشی نے ہی آ کر بتایا ہے

مجھے تنہائی کے لمحوں نے جو سوغات بخشی ہے
اسی نے تو حقیقت میں مجھے جینا سیکھایا ہے

بظاہر تو میں تنہا ہوں مگر عظمٰی حقیقت میں
میرے اطراف مین وہ ہے جسے اپنا بنایا ہے