تیرے بغیر ادھورا ہر ایک ارماں ہے (گیت)

مسرتیں ہیں کہاں، زندگی پریشاں ہے
ترے بغیر ادھورا ہر ایک ارماں ہے

میں ڈھونڈتا ہوں تجھے ان حسیں نظاروں میں
ندی کنارے ،مہکتی ہوئی بہاروں میں

سماں یہ پیار کا کچھ دیر کا ہی مہماں ہے
ترے بغیر ادھورا ہر ایک ارماں ہے

یہ سوچتا ہوں تجھے پیار کر کے کیا پایا
بچھڑ کے تجھ سے مجھے کچھ بھی تو نہیں بھایا

اداسیاں ہیں ،چمن دل کا آج ویراں ہے
ترے بغیر ادھورا ہر ایک ارماں ہے

مسرتیں ہیں کہاں، زندگی پریشاں ہے
ترے بغیر ادھورا ہر ایک ارماں ہے