جو بھی کوئے بتاں سے نکلے گا
Poet: ارسہ مبین By: ارسہ مبین, Pirmahalجو بھی کوئے بتاں سے نکلے گا
وه تو کون و مکاں سے نکلے گا
پھر کہاں پر اماں ملے اُس کو
جو تیرے آستاں سے نکلے گا
جب سنوارے گا زلف یار اپنی
چاند کب آسماں سے نکلے گا
جام کی تلخیاں اگر نہ سہی
درد سوزِ نہاں سے نکلے گا
زندگی تیرے حادثوں سے بھلا
کوئی بچ کر کہاں سے نکلے گا
درد حصہ ہے زیست کا ارسہؔ
کب میری داستاں سے نکلے گا
Rate it: 
Views: 125
13 Aug, 2024
More Sad Poetry
