حسن و دولت ہیں عارضی آخر
Poet: طارق اقبال حاوی By: Tariq Iqbal Haavi, Lahoreحسن و دولت ہیں عارضی آخر
خاک ہونی ہے دلکشی آخر
نام، منصب، عروج، شہرت بھی
سب یہ ہوتے ہیں موسمی آخر
کیوں رنجیدہ ہو انکے جانے پر
پنچھی ہوتے ہیں ہجرتی آخر
ایک جگنو میرا ہم نفس بنا
چھٹ گئی ساری تیرگی آخر
تلخ گوؤں کی ہار لازم تھی
میں نے سادھی تھی خامشی آخر
شام مجھ سے ادھار مانگی ہے
تم بھی نکلے ہو مطلبی آخر
آہ دل پر بھی لوگ واہ بولیں
کیسی آفت ہے شاعری آخر؟
Rate it: 
Views: 1090
14 Oct, 2021
More Urdu Ghazals Poetry
زندگی نے میرا اصل حق ادا نہ کیا زندگی نے میرا اصل حق ادا نہ کیا
میرے سوجانے پر تو نے ملال نہ کیا..
میرے سوجانے پر تو نے ملال نہ کیا..
Muhammad Hamza Saeed Bhatti
زندگی جو تھی وہ بھی ہاتھ سے گئی زندگی جو تھی وہ بھی ہاتھ سے گئی
دکھ یہ ہے کہ وہ اصل حقدار سے گئی..
دکھ یہ ہے کہ وہ اصل حقدار سے گئی..
Muhammad Hamza Saeed Bhatti
