حقیقت تھوڑی ہے لیکن اداکاری زیادہ ہے

حقیقت تھوڑی ہے لیکن اداکاری زیادہ ہے
محبت کرنے والوں میں بھی فنکاری زیادہ ہے

مجھے اندازہ ہے بڑھ چڑھ کے باتیں کرنے والوں کا
خلوص دل نہیں ان میں ریاکاری زیادہ ہے

تحمل بھی ضروری ہے بروئے زندگی لوگو
کہ ہم میں حوصلہ کم اور سرشاری زیادہ ہے

انہیں معلوم ہی کیا ہے کہ اس درد محبت میں
شفائیں کم سے کم ہیں اور بیماری زیادہ ہے

وہ دیکھے گر کٹھن رستہ تو واپس بھاگ جاتا ہے
اور ہنس کر کہتا ہے مجھ میں سمجھداری زیادہ ہے