دل سے اتر جانے میں ایک لمحہ لگتا ہے

دل سے اتر جانے میں ایک لمحہ لگتا ہے
دل کے بدل جانے میں ایک لمحہ لگتا ہے

دیکھنا خیال رہے قائم اپنا حال رہے
یوں کہ پگھل جانے میں ایک لمحہ لگتا ہے

یوں کبھی تو صدیاں بھی کم لگیں اور کبھی
خود کو آزمانے میں ایک لمحہ لگتا ہے

سوچتے رہیں تو پھر وقت ٹھہر جاتا ہے
ورنہ گزر جانے میں ایک لمحہ لگتا ہے

عظمٰی دیکھ بھال کے چلنا ہے اس جہاں میں
نہیں تو پھسل جانے میں ایک لمحہ لگتا ہے