دنیا کیا ہے برف کی اک الماری ہے
Poet: فاروق شفق By: Zamin, Hyderabadدنیا کیا ہے برف کی اک الماری ہے
ایک ٹھٹھرتی نیند سبھی پر طاری ہے
کہرا اوڑھے اونگھ رہے ہیں خستہ مکاں
آج کی شب بیمار دیوں پر بھاری ہے
سب کانوں میں اک جیسی سرگوشی سی
ایک ہی جیسا درد زباں پر جاری ہے
شام کی تقریبات میں حصہ لینا ہے
کچا رستہ دھول اٹی اک لاری ہے
گوری چٹی دھوپ بلائے جاڑے کی
وہ کیا جانے میری کیا دشواری ہے
Rate it: 
Views: 552
17 Jun, 2021
More Sad Poetry
