دیواریں تو ہزار ہیں

رُسوا نہیں جو بَر سرِ بازار ۔۔۔۔۔۔دوستو
دعویٰ ہے اُسکے عشق کا بیکار ۔۔۔۔دوستو

دیواریں تو ہزار ہیں پر راہِ عشق ۔۔۔۔میں
ملتا نہیں ہے سایہءِ دیوار۔۔۔۔۔۔دوستو

چلتا ہے کون سنّتِ ابنِ علی پہ ۔۔۔۔۔آج
پھر ہے یزیدِ وقت اور تلوار۔۔۔ ۔دوستو

جان و مال و اَقربا سب کچھ ۔۔۔۔۔۔لُٹا دیا
دیکھو ذرا شبیر کا کردار۔۔۔۔۔۔۔۔ دوستو

سمجھو کہ اُس پہ ٹوٹ گیا غم کا اِک۔۔۔ پہاڑ
جس نے کیا ہے پیار کا اِظہار ۔۔۔۔دوستو

وہ آ رہے ہیں رقص ُکناں اہلِ عشق ۔بھی
سننا ذرا زنجیر کی جھنکار۔۔۔.۔۔۔دوستو

کشتی ہماری ڈوب رہی ہے بھنور کے بیچ
اب کیا کریں گے تیر اور تلوار۔۔دوستو

اِن تُند و تیز موجوں سے لڑنے کے واسطے
لاؤ کہیں سے عزم کے پتوار۔۔۔ دوستو

دیکھو وہ کون ہے سرِ راہِ وفا ۔۔۔۔۔وسیم
پھر جا رہا ہے کوئی سرِدار۔۔۔۔۔دوستو