رب جانڑے اوہ کہیڑا پل سی

رب جانڑے اوہ کہیڑا پل سی
میرے نال توں کیتی گل سی

اج توں ای میرا سبھ کجھ ایں
بیت گیا جو میرا کل سی

اِک دوجے توں وکھ ہو جاندے
ایس مسئلے دا ایہو حل سی

جس نوں قسمت کہندا سی اوہ
اوہدی کرنی دا ای پھل سی

مینوں سچا لگدا سیں پر
دل وچ اڑیا تیرے چھل سی

جندڑی نوں گلزار کرن دا
تیرے کول تے ہر اِک ول سی

دھسدی جاندی ساں جس اندر
درد وچھوڑا اوہ دلدل سی

دل دا ذکر کراں کیہہ عذراَ
دل میرا وڈا پاغل سی