رب کا قہر ٹوٹ جائیگا

پہچان رب کی ذات کو پھر خوب جائیگا
تیرا جنون لے کے تجھے ڈوب جائیگا

اکڑا کے سر غرور سے پھرتا ہے تو یہاں
تیرے زعم پہ رب کا قہر ٹوٹ جائیگا

مال و متاع پہ اپنی تکبر نہ کر یہاں
رہزن اجل کا آکے اسے لوٹ جائیگا

باندھا ہے تو نے لے کے نشانہ جو میرا سر
رب کے حکم سے تیر ستم چوک جائیگا

اترا نہ محفلوں میں یوں دستار باندھ کر
کچھ دیر بعد بھانڈا تیرا پھوٹ جائیگا

گھبرا نہ قید و بند کی صعوبت سے تو یہاں
بدلے گا وقت تو بھی اشہر چھوٹ جائیگا