ساتھ کسی کا چھوڑ کے دیکھو

ساتھ کسی کا چھوڑ کے دیکھو
غم سے رشتہ جوڑ کے دیکھو

دکھ کی گرمی کیا ہوتی ہے؟
درد کی چادر اوڑھ کے دیکھو

کیوں نہ آنکھیں اشک بَہائیں؟
خوشیوں کا رُخ موڑ کے دیکھو

یاد کی آندھی آ لپٹے گی
وقت کا دامن جھنجوڑ کے دیکھو

ٹوٹا ہے کیا اندر دل کے؟
نقش کسی کا جوڑ کے دیکھو

اِک گھور اندھیری ہے یہ دنیا
اپنی آنکھیں پھوڑ کے دیکھو

بنجاروں کی منزل جو ہے
سائے کے پیچھے دوڑ کے دیکھو

شاید تم بھی سب کچھ پا لو؟
مجھسے ناتا توڑ کے دیکھو