سارے نہیں ہوا کرتے

رازداں سارے نہیں ہوا کرتے
مہرباں سارے نہیں ہوا کرتے

جو صحیح سمت کا پتہ دے دیں
کارواں سارے نہیں ہوا کرتے

سائباں بن کے ساتھ رہنے والے
آسماں سارے نہیں ہوا کرتے

ہمسفر راہ میں ملتے ہیں اکثر
سائباں سارے نہیں ہوا کرتے

بیشتر شناسا ہوتے ہیں لیکن
نگہباں سارے نہیں ہوا کرتے

ہم خیال سب کے بہت سے ہونگے
ہم زباں سارے نہیں ہوا کرتے

عظمٰی ہم خاموش ہیں تو کیا ہوا
بے زباں سارے نہیں ہوا کرتے