سیر کر عندلیب کا احوال

سیر کر عندلیب کا احوال
ہیں پریشاں چمن میں کچھ پر و بال

تپِ غم تو گئی طبیب ولے
پھر نہ آیا کبھو مزاج بحال

سبزہ نورستہ رہ گزار کا ہوں
سر اُٹھایا کہ ہوگیا پامال

کیوں نہ دیکھوں چمن کو حسرت سے
آشیاں تھا مرا بھی یاں پر سال

ہجر کی شب کو یاں تئیں تڑپا
کہ ہوا صبح ہوتے میرا وصال

ہم تو سہ گزرے کج روی تیری
نہ نبھے گی پر اے فلک یہ چال

دیدہء تر پہ شب رکھا تھا میر
لکہء ابر سے مرا رومال