شکریہ اور ندامت

خداوند تیری قدرت سے لاجواب ہوجاتا ہوں میں
تیری بنائی ہر ایک شۓ پر جانثار ہوجاتا ہوں میں

اتنی خوبصورتی جو تو نے زمین پر اتاری ہے
ہر ایک کو دیکھ کر حیران ہوجاتا ہوں میں

اکثر صدائیں سبحان اللّه کی ادا ہوجاتی ہیں
کہ جب موجیں آتی جاتی دیکھتا ہوں میں

سورتیں اتاری جو تو نے پڑھنے کو، ہدایت لینے کو
مٹی پڑی ان پر جب بھی دیکھتا ہوں رو دیتا ہوں میں

زندگی کا زاویۂ تبدیل کرلیا ہےشان ہم نے اور اب بھی
معجزے وہی پرانے والے دیکھنا چاہتا ہوں میں