شہر وفا میں حشر کا سامان دیکھنا

 شہر وفا میں حشر کا سامان دیکھنا
اب مہ وشوں کے ہاتھ میں میزان دیکھنا

خود آگہی کی جس کو نہ توفیق ہو سکی
ہگ نہ اس کو یار کی پہچان دیکھنا

دنیائے بے ثبات میں کس کو دوام ہے
ہر شخص اس جگہ ہپ ہے مہمان دیکھنا

افسانہ طرب کی طلب ہے تمھیں مگر
غم سے بھرا ہوا مرا دیوان دیکھنا

اے دوست ! تیرا سایہ دیوار دیکھ کر
دل میں اٹھے ہیں حسرت و ارمان دیکھنا

اے میرے غمگسار ، رفیقو ! براہ لطف
راہ وفا میں ہے کوئی انسان دیکھنا

شانوں پہ غم کی شال ہے پلکوں پہ اشک خوں
ہے کون مجھ سا دہر میں ذیشان دیکھنا

ہو گولڑے میں آپ کو جانا اگر نصیب
مہر علی کا قلزم فیضان دیکھنا

سر خوش ہے دل کا داغ فروزاں مثال مہر
کہنے کو ہوں میں چاک گریبان دیکھنا