فرش مخمل پہ کبھی نیند نہ آئی مجھ کو
Poet: عالم نظامی By: مصدق رفیق, Karachiفرش مخمل پہ کبھی نیند نہ آئی مجھ کو
اتنی راس آئی مرے گھر کی چٹائی مجھ کو
بات ساحل کی جو ہوتی تو سنبھل بھی جاتا
اس نے منجدھار میں اوقات بتائی مجھ کو
عزم پر میرے مسلط ہے جنوں منزل کا
کیسے روکے گی مری آبلہ پائی مجھ کو
جس نے جس طرح سے چاہا مجھے بدنام کیا
راس آئی نہیں دنیا کی بھلائی مجھ کو
ظلمت شب میں میں تنہا ہی لڑوں گا عالمؔ
ان چراغوں نے اگر آنکھ دکھائی مجھ کو
Rate it: 
Views: 1
07 May, 2025
More Sad Poetry
