فقط نِچوڑ لِکھوں گا۔۔۔۔۔

اب سِلسِلہ چِھڑا ہے تو کچھ اور لکھوں گا
نئے چہرے بناؤں گا نیا دور لکھوں گا

جب رقم کروں دن کے اُجالوں کی داستاں
تو شب کے اندھیرے سیاہ گھنگھور لکھوں گا

میں پہرہِ سکوت جما دوں گا سرِ بزم
جب دل کی خامشی میں بپا شور لِکھوں گا

اِس تتلیِ خیال کو شاھیں بناؤں گا
بھر بھر کے بازوؤں میں ابھی زور لِکھوں گا

میں جو لکھوں گا بہرطور ہو گا ایک گوہر
میں عرقِ جاں لکھوں گا بس نِچوڑ لِکھوں گا