محبت کا محبت سے جواب آیا نہ آئے گا

محبت کا محبت سے جواب آیا نہ آئے گا
مگر یہ سوچتے ہیں کیا تمہیں دل بھول پائے گا ؟

یہ سارے لفظ،یہ مصرعے،یہ غزلوں میں تڑپتے شعر
سمجھتے ہیں تمہارے دل کو ان میں کچھ تو بھائے گا

ہماری کم نصیبی جیت نہ پائے تمہارا دل
یوں شب بھر جاگنا،رونا سبھی بیکار جائے گا

کٹے گا زندگی کا یہ سفر کانٹوں پہ ہی چلتے
بھریں گے آہ ہر دم دل کبھی نہ مسکرائے گا

تمہارے بن ہمیں جینا بہت مشکل ہے دنیا میں
تمہارے بن ہمیں تو سانس بھی لینا نہ آئے گا

ہماری شاعری تھی جس کی خاطر ہے کہاں سارہ ؟
یہ لگتا ہے کہ وہ اس بزم میں واپس نہ آئے گا