محبت ہے ہم سے تو آزماتے کیوں ہو؟

محبت ہے ہم سے تو آزماتے کیوں ہو؟
یوں قدم قدم پہ ہمیں ستاتے کیوں ہو؟

نہیں کھوٹ کوئی گر محبت میں تمہاری
شرمندہ کیوں ہو ‘ مُنہ چُھپاتے کیوں ہو؟

جانا جلد لازم ہو جاتا ہے تمہیں اکثر
تو مُصیبت کیا ہے ‘ آتے کیوں ہو؟

اور جب آنا بھی لازم ہوتا ہے تمہیں
تو بے تابی کیسی ‘ جاتے کیوں ہو؟

لکھ جو دیتے ہو تم ہتھیلی پہ نام میرا
تو کیا سوچتے ہو ‘ مٹاتے کیوں ہو؟

تیرے پہلے اقرار سے آج بھی ہیں مطمئن
تو ہر بار وہی محبت بتاتے کیوں ہو؟

یوں دکھائی نہیں دیتی یہ دکھانے سے
اِسے رُسوا نہ کرو ‘ دِکھاتے کیوں ہو؟

محبت ہے کوئی کھیل تماشا نہیں
تو کھیل تماشا اِسے بناتے کیوں ہو؟