مقبول دعائیں ہیں ارادوں کے اثر سے

ایک عزم وفا لے کے میں نکلی تو ہوں گھر سے
ایسا کبھی نہ ہو کہ میں تھک جاؤں سفر سے

رستے بھی یہ مشکل ہیں کھٹن ہے یہ سفر بھی
اللہ کرے میں نہ پلٹ جاؤں کسی رہگزر سے

ہوتی ہے فقط عشق سے ہر کام کی تکمیل
آتی ہے یہ آواز میرے دل کے نگر سے

خوشبو میری خوشبو ہو ہر ایک رنگ میرا رنگ
ہر رنگ کو میں نقش کروں اپنے ہنر سے

ہمت سے ہے تسخیر فضائیں بھی ہوا بھی
مقبول دعائیں ہیں ارادوں کے اثر سے

ہوتا ہے نئے عزم سے ہر دن میرا طلوع
رستوں کا تعین ہے میرا نغمہ اذان سحر سے