ملی جو مجھے سزا کیسی تھی

ملی جو مجھے سزا کیسی تھی
میرے چمن کی ہوا کیسی تھی

کھنچے آتے تھے سوئے مقتل لوگ
ستم گر کی آخر ادا کیسی تھی

بھرے شہر میں ، نہ سنائی دیتی
جانے وہ میری صدا کیسی تھی

بے خبر رہا، جس سے برسوں
میرے محسن کی رضا کیسی تھی

ملا ہوا تھا ، جس میں زہر
صبح وطن تیری صبا کیسی تھی

کر دیا بے نیاز زندگی سے مجھے
تیرے غم کی ، ردا کیسی تھی

رات بھر نہ سونے دیا جس نے
شہر پریشاں میں ، ندا کیسی تھی

کچھ دکھائی نہ ، دیتا تھا طاہر
شہر میں وہ ، ضیاء کیسی تھی