موتی ہار پروئے ہُوئے
Poet: Perveen Shakir By: TARIQ BALOCH, HUB CHOWKIموتی ہار پروئے ہُوئے
دن گزرے ہیں روئے ہُوئے
نیند مسافر کو ہی نہیں
رستے بھی سوئے ہُوئے
جشنِ بہار میں آ پہنچے
زخم کا چہرہ دھوئے ہُوئے
کبھی نہ کشتِ جاں اُجڑی
خواب تھے ایسے بوئے ہُوئے
اس کو پا کر رہتے ہیں
اپنے آپ سے کھوئے ہُوئے
آج بھی یونہی رکھے رہے
سارے ہار پروئے ہُوئے
کتنی برساتیں گزریں
اُس سے مل کر روئے ہُوئے
Rate it: 
Views: 394
01 Nov, 2011
More Sad Poetry
