موسم بد ل رہے ہیں بہاراں کیے بغیر
Poet: dr.zahid sheikh By: dr.zahid sheikh, lahore pakistanموسم بدل رہے ہیں بہاراں کیے بغیر
یہ رات ڈھل رہی ہے چراغاں کیے بغیر
درد وفا کا کوئ بھی چارہ نہ ہو سکا
وہ جا رہے ہیں درد کا درماں کیے بغیر
ہم کو نشاط زیست کی حسرت نہ تھی کبھی
دل بجھ گیا ہے کوئ بھی ارماں کیے بغیر
خاموش ہیں کہ ان کی وفا کا رہے بھرم
ہم جل رہے ہیں خود کو فروزاں کیے بغیر
زاہد دل تباہ کی ان کو خبر نہیں
جوش جنوں ہے چاک گریباں کیے بغیر
Rate it: 
Views: 441
26 Oct, 2012
More Sad Poetry
