میرا نہیں اور تیرا نہیں

تیرا نہیں اور میرا نہیں
جو پل کھو گیا وہ کسی کا نہیں

یہی تو ہے سچ کوئی دھوکہ نہیں
کسی پل کا کوئی بھروسہ نہیں

ابھی شام تھی اب سویرا ہوا
سویرا ہوا اب اندھیرا ہوا

کوئی پل تسلسل سے ٹھہرا نہیں
تیرا نہیں اور میرا نہیں
جو پل کھو گیا وہ کسی کا نہیں

جو پل زندگی سے میّسر ہوا ہے
کسی طور اس پل کو کھونا نہیں

لمحوں کی سوغات سے ساتھیو
کسی طور محروم ہونا نہیں

جو کرنا ہے کر گزرو رکنا نہیں
کسی پل کو رک رک کے کھونا نہیں

جو کرنا ہے اس پل میں کرتے رہو
قدم بہ قدم ساتھ چلتے رہو

قدم بہ قدم مل کے چلتے رہو
چلتے رہو آگے بڑھتے رہو

کسی پل رک رک کے کھونا نہیں
کہ میرا نہیں اور تیرا نہیں
جو پل کھو گیا وہ کسی کا نہیں