میری ذات کا سچ ۔۔۔۔۔۔۔۔

یہ ہے میرا جنوں
دیوانگی میری
کوئی بھی کیفیت ہو
دل پہ جو بھی کچھ گزرتی ہو
میرا دل زخم سہتا ہے
بدن میں روح مرتی ہو
کسی سے گفتگو میرے لیے ممکن نہیں رہتی
بس ایک تم ہو
کہ زمرے میں
" کسی"
"کوئی"
"سبھی"
میں تم نہیں آتیں
سو جو بھی حال ہو میرا
میں تم سے بات کرنے کے لیے بے تاب رہتا ہوں
مگر یہ میرا مسئلہ ہے
یہ ہے میرا جنوں
دیوانگی میری

مگر تم

خیر چھوڑو
یہ تمہارا اپنا مسئلہ ہے
ہر ایک اپنی اپنی ذات ہے
اور اپنا اپنا سچ