میں سفر میں ہوں یہ کچھ گرد سفر سے آئی

تازگی اور بشاشت یہ کدھر سے آئی
میں سفر میں ہوں یہ کچھ گرد سفر سے آئی

بدنما اب نہ کرے گی مجھے خاکستر عقل
رونق آئی ہے تو کچھ ذکر سحر سے آئی

قہقہوں نے تو اندھیروں کے سوا کچھ نہ دیا
روشنی آئی تو کچھ دیدہ تر سے آئی

بھول سکتی نہیں غربت کے وہ ایام عزیز
خوئے تسلیم اسی راہگزر سے آئی

ہم نے خوابوں کے محل یوں تو کئے ہیں تعمیر
رونق اس میں نہ مگر رقص شرر سے آئی

کتنا بے کیف ہے الفاط کا ہر تاج محل
کچھ کشش آئی تو بس فکر و نظر سے آئی

آخرش ظلم و ستم کی شب تاریک کٹی
تازگی چہروں پہ کچھ نور سحر سے آئی

فن ہے بے لطف نہ ہو اس میں اگر سوز و گداز
دلکشی آئی تو بس وشمہ جی سے آئی