میں نے تو کبھی گھر کے ملازِم نہیں بدلے

پر کیف ہیں اندازِ مکارِم نہیں بدلے
اُترے تھے جو اس دل میں وہ موسِم نہیں بدلے

گو! کُوچہ ء جاناں کے بدلتے رہے حالات
لیکن ! دلِ جاناں کے مراسِم نہیں بدلے

نیرنگی ء دوراں تھی کہ نیرنگی ء پیماں
ہم اپنی زباں پر رہے قائم ۔۔۔۔۔۔ نہیں بدلے

اس گھر کی میں بنیاد ہی کسطرح بدل دُوں
میں نے تو کبھی گھر کے ملازِم نہیں بدلے

رشتوں کا بھرم رکھنے کو قربانی ء جذبات
اے عشق ! ترے اب بھی لوازِم نہیں بدلے

عُشاق تفاسیر بناتے رہے اپنی
آیاتِ محبت کے تراجِم نہیں بدلے

شعلے بھی ہیں، کانٹے بھی ہیں ، پتھر بھی ہیں عاشی
منزل پہ پہنچنے کے عزائِم نہیں بدلے