میں ہوں حیراں یہ سلسلہ کیا ہے
Poet: آس فاطمی By: Taimur Lohani, Hyderabadمیں ہوں حیراں یہ سلسلہ کیا ہے
آئنہ مجھ میں ڈھونڈھتا کیا ہے
خود سے بیتاب ہوں نکلنے کو
کوئی بتلائے راستہ کیا ہے
میں حبابوں کو دیکھ کر سمجھا
ابتدا کیا ہے انتہا کیا ہے
میں ہوں یکجا تو پھر مرے اندر
ایک مدت سے ٹوٹتا کیا ہے
خود ہی تنہائیوں میں چلاؤں
خود ہی سوچوں یہ شور سا کیا ہے
جانے کب کیا جنوں میں کر جاؤں
میں تو دیوانہ ہوں مرا کیا ہے
Rate it: 
Views: 543
28 Jun, 2021
More Sad Poetry
