نہ کوئی روٹھی حسینہ کہ منایا جائے

میں کوئی دُکھ تو نہیں ہوں جسے رویا جائے
اور نہ ہوں کوئی خوشی جس کو کہ ڈھونڈا جائے
اور نہ ہوں میں کوئی منزل جسے پایا جائے
اور نہ ہوں کوئی خزانہ جسے کھویاجائے
بانسری بھی میں نہیں جس کو بجایا جائے
اور نہ ارمان کوئی جس کو نکالا جائے
اور نہ بہتان کوئی جسکو لگایاجائے
اور نہ میں کوئی دعا ہوں جسے مانگا جائے
اور نہ دستار کوئی جس کو اچھالا جائے
اور نہ مشکل سی کوئی نظم کہ سمجھا جائے
نہ کوئی روٹھی حسینہ کہ منایا جائے
اور نہ پتھر ہوں کوئی جس کو تراشا جائے
اور نہ ہوں جھیل سی گہرائی کہ ناپا جائے
اور نہ طوفان کوئی جس کو اٹھایا جائے
دیوتا بھی میں نہیں ہوں جسے پوجا جائے
میں تو اک جام ہوں شیشے کا محبت سے بھرا
ٹوٹ جاؤں نہ کہیں مجھ کو سمبھالا جائے