نیند تو آ ہی جائے گی
Poet: Shabeeb Hashmi By: Shabeeb Hashmi, Al-Khobar K.S.Aمیرے لعل مجھ کو بتا
کیسے تجھ کو لوری دوں
سوکھے لبوں پے ان گنت
سوز و غم کی پہرے ہیں
زخم زخم الفاظوں میں
غم کے سسکتے راگوں مں
اندھے سلگتے ساز ہیں
کل سے تو بھی بھوکا ہے
میں بھی بھوکی سوئی تھی
بھوک کے ٹھنڈے
چولہے پے
فاقوں کی آگ جلائی تھی
فکرکی سوکھی
لکڑی سے
دکھوں کی راکھ
ہٹائی تھی
تو پانی کی بوند کو
ترسا تھا
میں بھی پیاس سے
روئی تھی
میرے لعل اب
سو بھی جا
نیند تو آ ہی جائیگی
بھڑکتے شعلوں کی
سولی پے
انگاروں کے دھکتے
بستر پے
بھوک کے پتھریلے
گدے پے
پیاس کے زخمی
تکیے پے
خود فریبی کی
چادر اوڑھے
نیند تو آ ہی جائے گی
نیند تو آ ہی جائے گی
Rate it: 
Views: 653
09 Jan, 2010
More Sad Poetry
