وقتِ رُخصت

وقتِ رُخصت آسماں پہ اک گھٹا چھانے کے بعد
کس قدر بارش ہوئی تھی آنکھ بھر آنے کے بعد

سانس بھی رُکنے لگی پھر درد بھی بڑھنے لگا
کیسی حالت ھو رہی ھے اک تیرے جانے کے بعد

سرزمینِ دل پہ اُگ آئے تیری چاہت کے پھُول
اک عجب سا رنگِ اُلفت تھا تجھے پانے کے بعد

ہم مکانِ بے بسی میں قید ہو کر رھ گئے
جانے وہ کب تک تھکے گا ظلم برسانے ک بعد

اے شمع تُو ھی بتا اُلفت میں مر مٹنے کا راز
سلسلہ کیوں چل پڑا ہے ایک پروانے کے بعد

ظلمتِ شب کے سفر میں سحر کی اُمید میں
اپنے گھر کو لوٹ آئے ٹھوکریں کھانے کے بعد

اب تو طارق رات دن گزریں خدا کی یاد میں
کتنا خوش ہوں میں سُراغِ زندگی پانے کے بعد