وہ حرف جنکو حرف دعا مانتا رہا

وہ حرف جنکو حرف دعا مانتا رہا
جانا وہ جھوٹ تھے تو برا سا مجھے لگا
ناآگہی رہی تو سبھی کچھ بھلا سا تھا
یہ آگہی کا روگ میری جاں کو کھا گیا
پیروں تلے زمین ہی باقی نہیں رہی
میں آسماں کی سمت نگاہیں کئے رہا
جس راستے سے دل میں سمایا کبھی کوئی
پلکوں میں وہ دریچہ کھلا ہی رہا سدا
وہ چاند یا چراغ تھا دونوں بجھے رہے
کٹیا کے تو غریب کا یہ ہی نصیب تھا
اونچی اڑان لینے جو نکلا پرندہ وہ
بے دم ہوا یا باز کی خوراک بن گیا
وامق ہمارے شہر کے لوگوں کی خو رہی
زندوں کو مار ڈالنا مردوں کو پوجنا